Mae Ymddiriedolwyr Neuadd Goffa Cricieth yn hapus i gyhoeddi eu bod wedi sicrhau grant o £7,437.51 gan gynllun grantiau bychan y Theatre’s Trust a gefnogir gan y Linbury Trust. Bydd y grant yn ariannu gwelliannau i isadeiledd digidol y theatr drwy amnewid yr hen galedwedd ar draws yr adeilad. Bydd uwchraddio’r ceblau trydan, ychwanegu switisiau clyfar, a gwella’r cysylltiad Wi-Fi yn mireinio gallu awtomeiddio rhaglennu a thechnegol y theatr sy’n golygu y gall ystod ehangach o ddigwyddiadau gymryd lle fydd o fudd i’r gymuned leol.

Dywedodd Ben Rosen, Cadeirydd yr Ymddiriedolwyr, “Rydw i wrth fy modd fod y Theatre’s Trust wedi rhoi’r grant hwn i’r Neuadd Goffa. Ni yw’r unig ganolfan yng Nghymru i dderbyn grant yn y rownd hon. Mae rhedeg canolfan gymunedol, yn enwedig un eiconig rhestredig Gradd II yn eithriadol o anodd. Bydd hyn yn ein galluogi i ddarparu adnoddau mae cwmnïau teithio yn ei ddisgwyl erbyn hyn. Mae celfyddydau perfformio yn rhan annatod o’r diwylliant Cymreig ac mae’r Neuadd wedi bod yn hwb i’n cymuned ni ers 1922; bydd y grant hwn yn ein gwneud yn ffit i’r dyfodol.”

Gan fod darpariaethau gweinyddol bellach mewn lle i'r Sefydliad Elusennol Corfforedig a elwir Neuadd Goffa Criccieth War Memorial Hall (Rhif Elusen 1213288) redeg Neuadd Goffa Cricieth/Criccieth Memorial Hall yn lle'r elusen a elwir War Memorial Hall at Criccieth (Rhif Elusen 511623), fe benderfynir fel a ganlyn:

(1) bydd yr elusen a elwir War Memorial Hall at Criccieth (Rhif Elusen 511623) yn gorffen rhedeg Neuadd Goffa Cricieth/Criccieth Memorial Hall ar 31 Mawrth 2026

(2) yr elusen a elwir Neuadd Goffa Criccieth War Memorial Hall (Rhif Elusen 1213288) Sefydliad Elusennol Corfforedig a ffurfiwyd yn unol â Deddf Elusennau 2011 bydd yn rhedeg Criccieth Memorial Hall/Neuadd Goffa Cricieth o 1af Ebrill 2026 ymlaen

(3) fe drosglwyddir holl asedau’r elusen a elwir Neuadd Goffa Criccieth War Memorial Hall (Rhif Elusen 1213288) i’r Sefydliad Elusennol Corfforedig a elwir Neuadd Goffa Criccieth War Memorial Hall (Rhif Elusen 1213288) ar 31 Mawrth 2026

(4) y Cytundeb Trosglwyddo rhwng y 2 elusen i’w ddyddio 31 Mawrth 2026

(5) Y weithred yn trosglwyddo’r Neuadd o enw Cyngor Tref Criccieth fel Ymddiriedolwr Gwarchodol (“Custodian Trustee”) ar ran yr elusen a elwir War Memorial Hall at Criccieth (Rhif Elusen 511623) i’r Sefydliad Elusennol Corfforedig a elwir Neuadd Goffa Criccieth War Memorial Hall (Rhif Elusen 1213288) i’w ddyddio 31 Mawrth 2026

Mae pwyllgor rheoli’r neuadd yn eich hysbysu y cynhelir Cyfarfod Blynyddol y Neuadd Goffa ar Ddydd Mercher, Medi 24ain 2025 am 7 yh yn y brif neuadd. Mae croeso cynnes i bawb.

​AGENDA

1. Ymddiheuriadau
2. Derbyn cofnodion blaenorol y CB
3. Adroddiad y Cadeirydd
4. Adroddiad y Trysorydd
5. Rhestr o’r aelodau a enwebwyd
6. Ethol aelodau’r pwyllgor
7. Rhybudd 0 Gynnig Arbennig
8. Unrhyw fater arall

​RHYBUDD O GYNNIG ARBENNIG

Mae’r elusen War Memorial Hall at Criccieth (Rhif Elusen 511623) wedi gweithredu fel cymdeithas anghorfforedig ers ei ffurfio yn 1980.

Yn sgîl sgyrsiau yn ystod y blynyddoedd diwethaf gydag ymgynghorwyr a darparwyr grantiau, daeth yn amlwg bod angen newid yr elusen i ffurf gorfforedig er mwyn datblygu’r elusen ar gyfer y dyfodol. I’r perwyl hwnnw ac yn dilyn y penderfyniad yng Nghyfarfod Blynyddol 2024 ffurfiwyd Sefydliad Elusennol Corfforedig o’r enw Neuadd Goffa Criccieth War Memorial Hall (Rhif Elusen 1213288) gyda mwyafrif o ymddiriedolwyr presennol Elusen Rhif 511623 fel ymddiriedolwyr cychwynnol y corff newydd.

Y bwriad ydi diddymu Elusen Rhif 511623 yn ei ffurf bresennol a throsglwyddo’i asedau i’r Sefydliad Elusennol Corfforedig newydd (Rhif Elusen 1213288) ac fel y gwelwch o’r Agenda bydd Rhybudd Arbennig i’r perwyl hwn yn y Cyfarfod Blynyddol a gynhelir yn y Neuadd Goffa nos Fercher 24 Medi am 7.00 o’r gloch.

CYNNIG ARBENNIG

“Gan fod Ymddiriedolwyr presennol yr elusen a elwir War Memorial Hall at Criccieth (Elusen Rhif 511623) yn cadarnhau

(A) bod y Sefydliad Elusennol Corfforedig o’r enw Neuadd Goffa Criccieth War Memorial Hall (Elusen Rhif 1213288) wedi ei ffurfio

(a) I ddarparu amddiffyniad atebolrwydd cyfyngedig i ymddiriedolwyr yr elusen,

(b) I leihau risg a

(c) I wella gallu’r elusen i ddatblygu yn y dyfodol trwy gael mynediad i gyfleoedd a ffynonellau ariannu na fyddai ar gael i elusennau anghorfforedig

a

(B) bod trosglwyddo asedau’r elusen a elwir War Memorial Hall at Criccieth (Rhif Elusen 511623) i’r Sefydliad Elusennol Corfforedig newydd o’r enw Neuadd Goffa Criccieth War Memorial Hall (Rhif Elusen 1213288) er budd gorau’r elusen,

FE BENDERFYNIR FEL A GANLYN:

(I) bod yr elusen War Memorial Hall at Criccieth (Rhif Elusen 511623) yn cael ei ddiddymu ar 31 Mawrth 2026 (neu unrhyw ddyddiad arall mae’r ymddiriedolwyr yii penderfynu yn eu doethincb sydd yn briodol).

(2) yn dilyn diddymu’r elusen War Memorial Hall at Criccieth (Elusen Rhif 511623) bod eu holl asedau yn cael eu trosglwyddo i Neuadd Goffa Criccieth War Memorial Hall (Rhif Elusen 1213288) sef Sefydliad Elusennol Corfforedig sydd wedi ei ffurfio yn unol â Deddf Elusennau 2011.

(3) bod ymddiriedolwyr yr elusen War Memorial Hall at Criccieth (Rhif Elusen 511623) â’r hawl i arwyddo unrhyw ddogfennau sydd eu hangen er mwyn cyfIawni’r uchod.

Hoffem ddiolch i Jo Vincent am gymryd rôl Swyddog Llogi yn y Neuadd. Ben Rosen, Cadeirydd y Neuadd oedd y swyddog blaenorol.

Bydd Ben yn parhau yn ei rôl fel Cadeirydd y Neuadd a Chynghorydd Technegol y Neuadd a hoffem gymryd y cyfle hwn i ddiolch iddo am ei flynyddoedd o wasanaeth yn rôl y Swyddog Llogi.

I gysylltu â Jo ar gyfer ymholiadau llogi, mae’r rhif ffôn a’r cyfeiriad e-bost yn aros yr un fath.

E-bost: bookings@cricciethmemorialhall.com

Ffôn: 01766 523672