Neuadd Goffa Cricieth Prosiect Adfywio 2026

Pam ydan ni’n gneud hyn?

​

Am nad oes ganddo ni ddewis.

Mae ffabrig yr adeilad yn 100 oed, sy’n golygu fod llawer o’r strwythur, toeau a’r coed (yn enwedig y ffenestri) wedi treulio

 

Yn y 1990au estynnwyd ac uwchraddiwyd yr adeilad i gyfarfod â gofynion y cwsmeriaid. Roedd hynny 20 mlynedd yn ôl: rydan ni angen moderneiddio a chyfarfod anghenion y gymuned yn well (gystal ag y gallwn ni o fewn y strwythur rhestredig Gradd II).

 

Pam fod yr adeilad wedi treulio?

 

Mae’r Neuadd yn adeilad mawr iawn a’n ddrud i’w redeg. Mae’n ddrud i’w wresogi, yn enwedig yn y blynyddoedd diweddar hefo costau nwy a thrydan yn uchel. Mae’r awditoriwm ei hun yn le mawr a’n wreiddiol fe’i cynlluniwyd i ddal 500 o bobol.

​

Rydan ni’n cael ein hariannu’n bennaf gan y sefydliadau a’r unigolion sy’n defnyddio’r adeilad a tydan ni ddim yn derbyn unrhyw gymhorthdal tu hwnt i’r grant blynyddol gan Gyngor Tref Cricieth. Mae’n rhaid i ni fod yn ystyrlon o’n prif bwrpas i wasanaethu Cymuned Cricieth wrth osod ein prisiau llogi.

​

Rydan ni wedi llwyddo i gael grantiau bach i ganolig ar gyfer prosiectau penodol:

• Uwchraddio goleuadau’r awditoriwm (£19,000)

• Adnewyddu’r ffenestri (£10,000)

• Trwsio’r toeau fflat (£15,000)

• Ail addurno’r gegin (£4,998)

• Sychwyr dwylo newydd (£2,580)

• Drysau mynedfeydd blaen a dwyreiniol (£5,000)

​

Ond, dim ond diferion yw’r rhain wrth ystyried hirhoedledd yr adeilad.

​

Rydan ni’n darganfod problemau drud yn gyson:

• Rydan ni wedi ffeindio pydredd sych dair gwaith yn y blynyddoedd diweddar, yn bennaf oherwydd diffygion fel toeau hen a ffenestri sydd wedi dod i ddiwedd eu hoes. Mae hyn yn golygu costau sylweddol ac wedi rhwystro buddsoddiad mewn cynnal a chadw rheolaidd a chynlluniau eraill fel paentio rheolaidd a thrwsio ffenestri.

• Gan fod yr adeilad wedi ei restru fel Gradd II mae’n anochel fod y problemau’n ddrutach ac yn fwy cymhleth

• Mae blaen yr adeilad yn llaith iawn am ei fod yn agored i’r tywydd ac mae’r lleithder wedi treiddio i’r adeilad a threulio’r gwaith carreg

• Mae to’r awditoriwm yn gollwng mewn dau le, mwy na thebyg oherwydd oed y to

• Dyma rai o’r enghreifftiau o’r pryderon am yr adeilad. Mae’r grant rydan ni wedi ei dderbyn hyd yma yn caniatáu i ni roi cynllun at ei gilydd i gyfarch rhai o’r pryderon yma, fodd bynnag mi fyddwn ni angen rhagor o gyllid i gwblhau’r holl atgyweiriadau.

 

Beth mae’r grant GTP yn ein galluogi i’w wneud:

 

• Derbyn adroddiadau arbenigol ar gyflwr yr adeilad

• Cynnal ymgynghoriad cyhoeddus gyda rhanddeiliaid, cymuned Cricieth (a’r ardaloedd cyfagos), defnyddwyr y Neuadd (gan gynnwys grwpiau proffesiynol fel Sinfonia Cymru), pobol sydd wedi prynu tocynnau neu wedi ymuno â’n rhestr bostio, ayb.

• Paratoi cynllun manwl i sicrhau a thrwsio’r strwythur er sicrhau cynaladwyedd y neuadd ac ymorol ei bod yn diwallu anghenion ein cwsmeriaid gydag adnoddau pwrpasol hefo costau rhedeg is.

• Sicrhau ymgynghorydd busnes i gynorthwyo gyda datblygu cynllun busnes a chais am grant sylweddol

​

Beth ydan ni wedi ei wneud hyd yn hyn?

​

Sicrhau cefnogaeth broffesiynol y codwr arian Caryl Lewis a’r Pensaer Rhodri Evans o Dobson Owen, Pwllheli.

​

Comisiynu nifer o adroddiadau arbenigol; mae’r rhain wedi ein cynorthwyo i lunio rhestr gychwynnol o’r gwaith angenrheidiol gan gynnwys:

• Ail doi’r toeau 1920au hefo llechi dros y Brif Neuadd, yr Ystafell Werdd ac Ystafell Wisgo 2.

• Trwsio’r gwaith carreg sydd wedi gwisgo.

• Disodli’r pren sydd wedi pydru (yn enwedig fframiau’r ffenestri – mae’r cyfan yn cynnwys gwydr lliw) a thrin pry coed.

• Sicrhau fod yr adeilad yn dal dŵr i ddelio hefo’r lleithder treiddiol

​​